5.8.03
Blix og byen
6. august 1853 møtte Elias Blix Pedersen frå Gildeskål opp til innskriving ved Tromsø Skolelærerseminarium. Resten av levetida si - femti år, på halvtanna nær - var han bybuar. Tromsø vart bustaden hans fram til sommaren 1859. Sidan var han Kristiania-buar, med korte avstikkarar til Leipzig og Stockholm. 6. august 1853 blir Elias Blix Pedersen frå Gildeskål såleis deltakar i ein av dei viktigaste samfunnsmessige prosessane i det 19. hundreåret: Urbaniseringa.
Dette er eit interessant aspekt, ikkje minst når det gjeld tilhøvet mellom liv og dikting. Kan to reise-metaforar gripe noko av dette?
Elias gjer ei klassereise. Reisa til byen er ei reise oppover i det sosiale hierarkiet, til utdanning og posisjon. Det skal koste mykje, men det lukkast, og det ser ut til at han etter kvart finn seg vel til rette på toppen av samfunnet i hovudstaden.
Men i diktinga, korkje i salmane eller songane, er det ikkje mykje byrøyndom. Er reisa til Elias samstundes ei ferd i eksil? "Barndomsminne frå Nordland" er eit opplagt døme. Eit konstant drag ved salmane høyrer kan hende òg heime på denne kontoen: "til eg i himmelen hamnar." Dit kjem nemleg praktisk tala alle Blix-salmar i siste vers.
Send ein kommentar.
Dette er eit interessant aspekt, ikkje minst når det gjeld tilhøvet mellom liv og dikting. Kan to reise-metaforar gripe noko av dette?
Elias gjer ei klassereise. Reisa til byen er ei reise oppover i det sosiale hierarkiet, til utdanning og posisjon. Det skal koste mykje, men det lukkast, og det ser ut til at han etter kvart finn seg vel til rette på toppen av samfunnet i hovudstaden.
Men i diktinga, korkje i salmane eller songane, er det ikkje mykje byrøyndom. Er reisa til Elias samstundes ei ferd i eksil? "Barndomsminne frå Nordland" er eit opplagt døme. Eit konstant drag ved salmane høyrer kan hende òg heime på denne kontoen: "til eg i himmelen hamnar." Dit kjem nemleg praktisk tala alle Blix-salmar i siste vers.
Send ein kommentar.
Kommentarar:
