BlixBlog

I går var eg med på salmeseminar om vekkingsforkynnaren og -diktaren Matias Orheim i Uranienborg menighetshus. Mange hadde personlege inntrykk å formidle om den blinde predikanten og diktaren som har vitja nesten kvart einaste kyrkjesokn i landet for å preike, syngje, spele på fele og på glas(!). Sonedottera Åshild Orheim Haga fortalde om bestefaren og heimstaden. I dag er ho gardbrukar og vertskap på Orheimstunet.

Og i dag var det nynorsk høgmesse i Uranienborg kyrkje. Høg kjendisfaktor (statsråd Haugland - ikkje Baard, men Valgerd Svarstad H. - var tekstlesar) og mange Orheim-songar. Interessant å oppleve den lågkyrkjelege Orheim i dette høgkyrkjelege rommet, det gav nye dimensjonar til begge delar.