27.11.06
Hognestad
Bloggarprestekollega Arne Berge har godt nytt frå prestegjeldet sitt ("i kveld" er i skrivande stund blitt i går kveld):
I tillegg var Peter Hognestad elev av Blix, må vite. "Jau, Blix kunne vere morosam," fortalde han ein gong og fekk sagt to ting samstundes: At Blix kunne vere morosam, og at det skulle ein ikkje tru. Bibelomsetjar Elias Blix fekk ikkje gjort så mykje med Det gamle testamentet på nynorsk, berre dei første nokre-og-førti salmane. Den som tok opp Elias' kappe og fullførte salmeomsetjinga var Peter Hognestad.
Biskop Peter Hognestad (1866-1931) var her frå Time. I kveld arrangerte Time sokneråd ein kulturkveld der denne biskopen fekk vera i fokus, 75 år etter sin død. Kulturkvelden blei arrangert som ei første markering fram mot Time kyrkje sitt 150-års jubileum som skal feirast i 2009.Les meir.
Peter Hognestad kom frå bygda Hognestad like ved Bryne, der denne bloggen blir skriven. Han er kjent som prest og biskop, forfattar og salmediktar. Spesielt har nokre av dei salmane han har omsett og gjendikta, blitt mykje brukt; Fager kveldssol smiler og Det hev ei rose sprunge er eksempel på det.
Peter Hognestad var aktiv målmann. Interessant nok blei han i 1903 tilsett som stiftskapellan i Oslo, med spesielt ansvar for å halda gudstenester på nynorsk! Og i 1906 var han blant innbydarane til stiftinga av Noregs Mållag. I 1916 blei han biskop i Bjørgvin. Han var den første biskopen som preika på nynorsk, og dette blei det visst mykje oppstyr omkring!
Han var også hovudredaktør for den første nynorske bibelutgåva (Studentmållagsbibelen), som kom i 1921.
I tillegg var Peter Hognestad elev av Blix, må vite. "Jau, Blix kunne vere morosam," fortalde han ein gong og fekk sagt to ting samstundes: At Blix kunne vere morosam, og at det skulle ein ikkje tru. Bibelomsetjar Elias Blix fekk ikkje gjort så mykje med Det gamle testamentet på nynorsk, berre dei første nokre-og-førti salmane. Den som tok opp Elias' kappe og fullførte salmeomsetjinga var Peter Hognestad.
Kommentarar:
