BlixBlog

Ein songfugl på Sunnmøre syng at Terje Aarset ikkje har slutta å produsere artiklar om "Den nynorske songskatten" fordi om band 1 har kome ut i bokform. I dagens Møre-Nytt har han ein artikkel om Blix-songen "Songfuglen". Denne teksten har eg visst aldri lagt ut på BlixBlog, så du får få han i dag:

Songfuglen.
Ein Smaafugl sat
Paa grøne Grein
So kvik og kvat,
Den kaute Svein.
Han song og kvad
Og kvitrad glad,
For Morgonsoli skein.

So Fuglen sit
Og syng paa Kvist.
Hans vesle Vit
Hev aldri visst,
Um me hans Slaatt
Mun lika godt.
Fyr det han syter sidst.

Han berre veit
Han syngja maa,
Og Lovord leit
Han aldri paa.
Han berre syng
Fyr Lauv og Lyng
Og alle Blomar smaa.

Han berre veit,
At Songen gjeng
Fraa Hugen heit,
Som Leik fraa Streng.
Han syng sin Song
Av Hjartans Trong,
For Luft og Ljod han treng.

So syng og du,
Min vesle Gut,
Di Von og Tru
Og Gleda ut!
Um andre gled
Den Song, du kved,
Fær syna seg til Slut.

(Salmar og Songar, 1900, s. 124-125.
Først publisert i Norskt Barneblad 20.02.1898)