25.2.11
NaboNytt
Eg kunne berre ikkje la vere å formidle denne … (signert Espen Tørset):
Heidres over heile landet
Skrevet 24.02.2011 22:17 - Kultur
Vil du bli betre kjent med Blix, er denne biografien eit godt val!Som politikar, teolog, bibelomsetjar, språkmann og ikkje minst salmediktar har Elias Blix ein heilt spesiell plass i den norske kulturhistoria.
Denne mannen frå Gildeskål i Nordland vart fødd 24. februar 1836, og er dermed 175 år i dag. Denne "runddagen" vil bli markert i heile landet i 2011.
Han var med på å kjempe gjennom jamnstillingsvedtaket i 1885, han var hovudmannen bak omsetjinga av Det nye testamentet, og han gjorde nynorsken levande for kyrkjefolk i heile landet med sine salmar med bilete som folk kjente seg igjen i.
Enno i dag er 51 av salmane i salmeboka skrive av Elias Blix, og 20 av salmane i boka har han satt om. Fedrelandssalmen, No livnar det i lundar, Med Jesus vil eg fara og Barndomsminne frå Nordland er kanskje dei mest kjente tekstane han har skrive.
Alle som har vore skoleborn i Noreg og Skaun er kjent med den rike songskatten til Blix.
Kommentarar:
